Event Description

लवकरच शाळा सुरू होणार आहेत. या बरोबरच बर्‍याच बाल विद्यार्थ्यांच्या शैक्षणिक जीवनाची सुरुवात पण होणार आहे. सिरंजणी सर्कल मध्ये पहिल्या वर्गात प्रवेश घेणाऱ्या बाल विद्यार्थ्यांसाठी हिरण्यगर्भ बहुउद्देशीय प्रतिष्ठान एक छोटीशी भेट म्हणून ” हिरण्यगर्भ बाल उजळणी” च्या आकर्षक प्रती वाटप करणार आहे. या बाल विद्यार्थ्यांना प्रोत्साहन देण्याचा एक छोटासा प्रयत्न या उपक्रमाने हिरण्यगर्भ बहुउद्देशीय प्रतिष्ठान करणार आहे.
२०१२ मध्ये उदयास आलेल्या हिरण्यगर्भ बहुउद्देशीय प्रतिष्ठान या संस्थेने वेग वेगळे नाविन्यपूर्ण सामाजिक उपक्रम घेण्यासाठी नावलौकिक प्राप्त केलेले आहे. शिक्षण क्षेत्रात घेण्यात येणार्‍या या उपक्रमात सिरंजणी सर्कल आणि संलग्न ग्रामीण भागात पहिल्या वर्गात प्रवेश घेणाऱ्या विद्यार्थ्यांना जवळपास ५०० “हिरण्यगर्भ बाल उजळणी” या पुस्तकाच्या आकर्षक प्रती प्रत्यक्ष पणे वाटप करण्यात येणार आहेत.

या उजळणीत बाल विद्यार्थ्यांना आवडतील अशा सुरेख चित्रांसह, अंक, चौदाखडी, इंग्रजी लिपी याचा समावेश आहे. तसेच बालकांवर उत्तम संस्कार व्हावेत या हेतूने मनाचे श्लोक, सुविचार, बालगीते, चांगल्या सवयी आणि आपल्या दैवतांची ओळख अशा अनेक गोष्टी समाविष्ट केल्या आहेत. लवकरच या प्रती छापून तयार होतील आणि बाल विद्यार्थ्यांजवळ पोहोचतील. हिरण्यगर्भ बहुउद्देशीय प्रतिष्ठान ची ही छोटीशी भेट बाल विद्यार्थ्यांना नक्की आवडेल अशी आशा आहे.
शैक्षणिक जीवनात चिमुकले पाय ठेवणाऱ्या बाल विद्यार्थ्यांना हिरण्यगर्भ बहुउद्देशीय प्रतिष्ठान तर्फे खुप खुप शुभेच्छा. शरीराला श्रमाकडे, बुध्दीला मनाकडे आणि ह्रदयाला भावनेकडे वळवणारे साधन म्हणजे शिक्षण ; भरपूर शिका मोठे व्हा!
जय श्रीराम 🙏🏻